Publisher's Note

  • Publisher’s Note

    Dear Readers, Finally we can it seems that spring is almost in the air.  Weather wise it’s not that cold anymore and it looks like Mr. Winter is going to say goodbye. Soon you have to start cleaning up the yard and the flower beds.  And the trees in the backyard will start to have leaves [...]

    Read full post »


Visitors to Pinoytimes



Page added on June 22, 2010

Email this to a friendEmail This Post Email This Post                      Printable versionPrint This Post Print This Post

ILIPAD MO AKONG MULI, KALAYAAN

ni Roger  Encarnacion

Kalayaan.  Ano ka ba sa akin?

Simula nang sumanib ka sa aking pagkatao ay nagmistula akong isang ibong natutong sumisid at umigpaw sa kalawakan ng bughaw na langit.

Nakalalasing ang kapangyarihang ipinagkaloob mo sa akin. Naganyak akong manungkit ng mga bituin sa mga sandaling kaulayaw kita. Binigyan mo ako ng lakas ng loob na tuklasin ang aking sarili at sundin ang tibok ng aking puso. Katulad ng isang bagong tao na nahibang sa kalayaang dulot ng pagkakaroon ng unang sasakyan, ay pumaimbulog ako sa karurukan ng aking pangarap.

Halos abot-kamay ko na ang mga bituin. Mula sa dampang kinakitaan ko ng unang liwanag, mula sa silong ng langit na nakarinig ng aking mapagtiwalang mga halakhak at sa ilalim ng punong manggang naging saksi ng aking unang pag-ibig ay nakita kitang nag-aanyaya, nanggaganyak. Sa wari ko, ang malawak na karagatang nakapagitan sa kinagisnan kong daigdig at sa mapanuksong lupain ng ginto at pilak ay sasandipa lamang.

Ngunit nagtataka ako. Sa kabila ng pagtatagumpay at pagtatamasang nararanasan ko ngayon ay may mga bagay pa ring hinahanap ang aking puso na hindi ko mahagilap. May mga katanungang laging umuukilkil sa aking diwa na hindi ko masumpungan ng kasagutan. Alam ko, hungkag ang taginting ng bawat halakhak na lumalabas sa aking mga labi.

Ikaw na kapi-kapiling ko sa paghahanap ng kasaganaang wala sa akin ay naging lasong kumitil ng aking pagka-Pilipino. Sa loob lamang ng maikling panahong inilagi ko sa lupain ng ginto at pilak ay nalimot kong ako’y isang lahing may sariling kalinangan at kakanyahan. May sariling wikang pamana ng aking mga ninuno. May makasaysayang kahapong dinilig ng dugo ng mga bayani. Bakit hindi mo ako masdan ngayon? Ako’y hindi na Pilipino sa aking sarili at sa iyo, isang kulay-kayumangging hunyango na nagkakanlong sa banyagang balatkayo – sa pagsasalita, sa paniniwala, sa pananamit, sa asal at pag-uugali.

Kung ikaw nga’y kalayaang sinamba ko at minahal may isang daan at labing-dalawang taon na ang nakararaan, at nagtiwala sa aking ikaw lamang ang idadambana ko sa aking puso sa kabila ng mga tukso at pagsubok, paano mo tatanggapin ang katotohanang ako’y lubos nang napaangkin sa dayuhang kinamuhian mo noong araw, at napaalipin sa taginting ng tatlumpung peseta? Masdan mo ang mga anak ko ngayon, ang tangi mong pag-asang magpapatuloy ng salin-lahing Pilipino sa maraming daan-taon. Nakikilala mo pa ba sila?

Durog na ang aking puso; lugmok na ang aking kaluluwa. Ilipad mo akong muli, Kalayaan.









RELATED STORIES

  • No Related Post


LATEST HEADLINES

COMMUNITY NEWS

RBC Royal Bank recognized for its work with newcomers to Canada thumbnail RBC Royal Bank recognized for its work with newcomers to Canada
STATEMENT ON THE INTRODUCTION  OF FILIPINO LANGUAGE AND CULTURE AT ALBERTA SCHOOLS STARTING 2020 thumbnail STATEMENT ON THE INTRODUCTION OF FILIPINO LANGUAGE AND CULTURE AT ALBERTA SCHOOLS STARTING 2020
Featuring a Filipino Community leader of Calgary thumbnail Featuring a Filipino Community leader of Calgary
NOTICE TO MEDIA thumbnail NOTICE TO MEDIA

PINOY STORIES

These are the Two Filipinas Included in the World’s Billionaires List thumbnail These are the Two Filipinas Included in the World’s Billionaires List

HAVE YOUR SAY

HAVE YOUR SAY Lorem ipsum dolor sit amet, consectetur adipiscing elit, dolor sit ipsum.

PROMOTIONAL BLOCK

PROMOTIONAL BLOCK Lorem ipsum dolor sit amet, consectetur adipiscing elit, dolor sit ipsum.

TRAVEL NEWS



PINOY TOONS


Tags