Publisher's Note

The 1st quarterof the year is over and yes, time flies so fast. It was just like yesterday when Ed Stelmach stepped down as Premier of Alberta when Alison Redford won the race last year and she became the 1st Woman Premier of Alberta in the political history. Now this coming April 23, 2012, we [...]
Read full post »

Visitors to Pinoytimes

Page added on November 22, 2010

Email This Post Printable version

Print This Post

‘PATROL NG PILIPINO’ ILALANTAD ANG KATOTOHANAN SA LIKOD NG BALITA SA TFC

Sa likod ng bawat balita, may mga kuwentong hindi pa nakikita ng mamamayan, mga piraso ng impormasyon na bubuo sa katotohanan.

Abangan sa The Filipino Channel (TFC) ang pagbubukas ng pinto patungo sa mundo ng mga matatapang at masusugid na tagapag-ulat ng ABS-CBN sa ‘Patrol ng Pilipino,’ kung saan masisilayan ang buong istorya sa mga balitang makabuluhan para sa bawat Pilipino.

Ang “Patrol ng Pilipino” (PNP) ay isang weekly 45-minute news documentary program na magbibigay ng mas malalim na pag-uulat sa mga balitang inilahad sa “Umagang Kay Ganda,” “TV Patrol,” at “Bandila.”

Babalikan ng may dalawa o tatlong ABS-CBN reporter ang mga tampok na ulat at huhukayin ang mga kuha at panayam na hindi pa naeere, mga behind-the-scene clip ng reporter sa kaniyang pangangalap ng impormasyon at mga bagong anggulo sa isyu.

Sa pilot episode ng “Patrol Ng Pilipino,” ibabahagi ni Jorge Cariño ang mga eksena sa kaniyang pagmamatyag sa hagupit ni Bagyong Juan sa Cagayan. Silipin kung paano sinalanta ang probinsya at kung paano sinubukang isalba ng mga residente at awtoridad ang kanilang buhay at kabuhayan.

Si Jeff Canoy naman ay muling bubuksan ang kaniyang ulat sa mga batang minero sa Davao Oriental. Sundan ang kaniyang pag-iimbestiga upang maipakita ang karimarimarim na kalagayan ng mga kabataan at ng kanilang pamilya.

Dahil karapatan mong malaman ang buong katotohanan, ipapakita ng “Patrol ng Pilipino” ang bawat anggulo ng isyu, bibigyan ng mukha ng mga datos, at ilalantad ang damdamin sa likod ng mga balita. Panoorin ang “Patrol ng Pilipino” sa TFC.

‘PATROL NG PILIPINO’ ILALANTAD ANG KATOTOHANAN SA LIKOD NG BALITA SA TFC

pinoytimes.ca © 2009