Pinoy ito anong say mo?

LUCIA GABAS – Calgary, AB

^[1]

“Nasa Pinas ako. Siempre, takot. Di ko alam kung ano nag mangyayari sa lahat ng mga Pinoy. Di alam kung mapapabuti o mapapasama ang mangyayari. Pero ngayon alam ko na.  Pareho din sa napatalsik na si Macoy. Dahil wala rin naming nangyari sa mga pumalit lahat eh hangad lang ang umupo sa pwesto at yumaman sa pera ng tao.”

LUIS MAGNAYE – Calgary, AB

^[2]

“Kasalukuyang Chairman ako ng Kabataang Baranggay ng mga panahon na yun.  Nagte training kami sa Los Banos, sa Mt. Makiling.  Nagkaroon din ng pakinabang sa rehimeng Marcos. Pero magulo na rin ang lahat kaya me halong takot.  Hindi rin ako kumportable  sa mga nangyari pero nagsalita na ang Sambayanan. Ang kaso lang, balik din sa dating siste…kurakot system.”

ART RUBIANO – Calgary, AB

^[3]

“Naaala ko pa bago napatalsik ang rigimeng Marcos na malakas ang usap-usapan na maraming mga manggagawa na mag-aaklas kasama na ako sa aking pinapasukan. After 25 years na naganap na People’s Power isa rin ako na nakasaksi kung paano ipinaglaban ng ating mga kababayan na makamit ang ating Demokrasya ng hindi gumamit ng dahas. Nakita ko kung paano hinarang ng matatapang nating kababayan na harangin ang mga pumaradang Kanyong pangmilitar para gamitin sa mga nagrarally sa Edsa. Sa pangyayaring ito na napatalsik ang kinikilalang dictador ng Pilipinas nakita ko ang ating bansa na marami pa rin na dapat mabago hindi lamang sa isang tao na pinatalsik kundi dapat din isipin ng bawat mamayan ang pagsunod sa mga batas upang ito ay maisakatuparan. Nawa ay magtulungan na lang at walang bahid ng pamumulitika.”

GEORGE OLLERES – Calgary, AB

^[4]

“Estudyante at graduating pa lang ako ng High School, pero mainam na rin na nawala ang mga Marcos sa posisyon ng walang nasaktan na mga Pilipino, at ito’y dahil na rin siguro sa pagiging relihiyoso nating mga Pilipino.”